मंगलबार २२ बैशाख २०८३
काठमाडौँ । प्रमुख प्रतिपक्षी दल नेपाली कांग्रेस को संसद् समन्वय बोर्डको बैठक आज (मंगलबार) बस्दैछ।
बैठक ललितपुरस्थित बीपी स्मृति भवन मा दिउँसो ३ बजेका लागि तय गरिएको छ।
कांग्रेस केन्द्रीय कार्यालयका कार्यवाहक मुख्यसचिव कृष्णप्रसाद दुलाल का अनुसार कांग्रेस संसदीय दलको विधान (संशोधन तथा परिमार्जनसहित, २०८३) को धारा २१ बमोजिम गठन भएको संसद् समन्वय बोर्डको यो पहिलो बैठक हो।
बैठकमा उपस्थित हुन बोर्डका सदस्यहरूलाई पार्टीले निर्देशन दिइसकेको पनि उनले जानकारी दिएका छन्।