काठमाडौँ /  सिद्धार्थ बैंक नेपाल प्रिमियर लिग (एनपीएल) जारी खेलमा आज दुई खेल हुँदैछन् ।

बिहान पोखरा एभेन्जर्स र काठमाडौं गुर्खाजबीच ९ बजे खेल  सुरु हुदैछ । पोखरा कुशल भुर्तेलको कप्तानीमा मैदानमा हुनेछ भने काठमाडौंका कप्तान करण केसी हुन् ।

प्लेअफ दौडको कठिन मोडमा पुगेका काठमाडौं र पोखराको खेललाई महत्त्वका साथ हेरिएको छ । एनपीएल अन्तर्गत शनिबार दिउँसो भने चितवन र जनकपुर भिड्दैछन् । यो खेल देउँसो १ बजे सुरु हुनेछ ।