बुधबार १६ पुस २०८२

काठमाडौ / नेपाल आयल निगमले पेट्रोलियम पदार्थको मूल्य घटाएको छ।

निगम सञ्चालक समितिको बुधबार बसेको बैठकले पेट्रोल, डिजेल, मट्टितेल र हवाई इन्धनको मूल्य घटाउने निर्णय गरेको हो।

निगमका अनुसार पेट्रोलको मूल्य प्रतिलिटर ४ रुपैयाँले र डिजेल र मट्टितेलको मूल्य प्रतिलिटर ५–५ रुपैयाँले घटाइएको छ।

त्यस्तै, आन्तरिक तर्फको हवाई इन्धनको मूल्य प्रतिलिटर ६ रुपैयाँले घटेको छ।

इण्डियन आयल कर्पोरेशन (आईओसी) बाट प्राप्त नयाँ मूल्यसूची अनुसार खाना पकाउने एलपी ग्यासको मूल्य प्रतिसिलिन्डर १०० रुपैयाँ ३५ पैसाले बढेर आएको थियो।

तर, उपभोक्ताको हितलाई ध्यानमा राख्दै निगमले ग्यासको खुद्रा बिक्री मूल्य भने हाललाई यथावत नै राख्ने निर्णय गरेको छ।