निर्वाचन आयोगले देशभर नयाँ १६८ वटा मतदानस्थल थप

५ महिना अगाडी

jayjanata tv

79
79
Shares

79
79
Shares

आइतबार १४ मंसिर २०८२

काठमाडौ / निर्वाचन आयोगले आगामी प्रतिनिधिसभा सदस्य निर्वाचनका लागि देशभर १६८ वटा नयाँ मतदानस्थलहरू थप गरेको जनाएको छ ।

आयोगले मतदाताको पहुँचलाई सरल, सहज र थप व्यवस्थित गर्न मतदानस्थलहरुमा पुनरावलोकन गरेका छन ।

आयोगको आइतबार बसेको बैठकले मतदाताको सुविधाका लागि थप गरेको प्रवक्ता नारायणप्रसाद भट्टराईले जानकारी दिए । उनका अनुसार मतदातालाई अपायक परेका, जीर्ण भएका वा प्रयोगमा नरहेका ९३ वटा मतदानस्थलहरू खारेज समेत गरेको छ ।

यसबाट साबिकमा कायम १० हजार ८९२ मतदानस्थलमा समग्रमा ७५ मतदानस्थल थप हुन गई देशभर १० हजार ९६७ मतदानस्थल कायम भएका छन् ।

मतदानस्थल पुनरावलोकन गर्ने क्रममा मतदान स्थलको नाम, ठेगानामा रहेको त्रुटि सच्याउने, मतदातालाई पायक पर्ने स्थानमा आंशिक वा सबै मतदातालाई स्थानान्तरण गर्ने, मतदातालाई साबिककै अर्को मतदान स्थलमा समायोजन गर्ने लगायतका कार्यहरू सम्पन्न गरेको पनि आयोगले जनाएको छ ।