संविधानको धारा ९५ बमोजिम सङ्घीय संसद्को दुवै सदनलाई राष्ट्रपतिले सम्बोधन गर्न आगामी वैशाख १९ गते दिउँसो ३ बजे कार्यतालिका राखिएको उहाँले बताउनुभयो । मन्त्रीपरिषद् बैठकले विभिन्न मन्त्री र कर्मचारीको विदेश भ्रमणसम्बन्धी निर्णय गरेको पनि उहाँले जानकारी गराउनुभयो ।

बैठकपछि सञ्चारकर्मीलाई प्रतिक्रिया दिँदै मन्त्री गुरुङले सरकार र नेपाल शिक्षक महासङ्घका प्रतिनिधि सहमतिनजिक पुगेको दाबी गर्नुभयो । उहाँले शिक्षा, विज्ञान तथा प्रविधि मन्त्रालय र महासङ्घका प्रतिनिधिबिच निरन्तर छलफल भएकाले छिट्टै सहमति हुन सक्ने जानकारी दिनुभयो ।

मन्त्री गुरुङले मङ्गलबार वा बुधबारसम्म शिक्षा मन्त्रालय र शिक्षकबिच सहमति हुने विश्वास व्यक्त गर्नुभयो ।   गोरखापत्रबाट