सप्तरी / सप्तरी संसदीय निर्वाचन क्षेत्र नं. ४ मा नेकपा (एमाले) का प्रतिनिधिसभा सदस्य पदका उम्मेदवार ई. गंगा प्रसाद चौधरी ले आफ्नो चुनावी अभियानलाई तीव्र बनाउँदै मतदातासँग समर्थनको अपिल गर्नुभएको छ। विकास, स्थिरता र सुशासनलाई मूल एजेन्डा बनाउँदै मैदानमा उत्रिएका चौधरीलाई पार्टीले योग्य, कर्मठ तथा विकासप्रेमी उम्मेदवारको रूपमा अघि सारेको छ।
इन्जिनियर पृष्ठभूमि भएका उम्मेदवार चौधरीले पूर्वाधार विकास, रोजगारी सिर्जना, शिक्षा र स्वास्थ्य क्षेत्रको सुधार तथा जनमुखी विकास योजनालाई प्राथमिकतामा राखेर काम गर्ने प्रतिबद्धता व्यक्त गर्नुभएको छ। उहाँले क्षेत्र नं. ४ लाई समृद्ध र विकासको नमुना क्षेत्र बनाउने लक्ष्यसहित जनतामाझ पुगिरहेको बताउनुभएको छ।
नेकपा (एमाले) ले मुलुकमा समृद्धि, स्थिरता र सुशासन सुनिश्चित गर्न बलियो जनादेश आवश्यक रहेको उल्लेख गर्दै, आगामी निर्वाचनमा सूर्य चुनाव चिन्हमा मतदान गरी ई. गंगा प्रसाद चौधरीलाई विजयी बनाउन सम्पूर्ण मतदातासँग आग्रह गरेको छ।
पार्टीका स्थानीय नेताहरूका अनुसार, इमानदार छवि, प्राविधिक दक्षता र विकासप्रतिको स्पष्ट दृष्टिकोणका कारण उम्मेदवार चौधरीप्रति जनसमर्थन बढ्दो क्रममा रहेको छ। निर्वाचन नजिकिँदै जाँदा सप्तरी–४ मा एमालेको चुनावी माहोल थप उत्साहित बन्दै गएको देखिन्छ।