एमाले महाधिवेशन : भोलि बिहान ८ बजेसम्म मतदान सक्ने

५ महिना अगाडी

jayjanata tv

13
13
Shares

13
13
Shares

काठमाडौ / नेकपा एमालेको ११ औँ महाधिवेशनमा जारी मतदान बिहीबार बिहान ८ बजेसम्म सक्ने लक्ष्य लिइएको निर्वाचन आयोगले जानकारी दिएको छ । आयोगका उपप्रमुख सानुराज पोखरेलका अनुसार मतदाता विद्युतीय भोटिङ मेसिनमा अभ्यस्त नहुँदा समय लम्बिएको हो ।

उनले मिडियामैत्री मानिएकी कोमल वलीले समेत ४८ मिनेटमा मात्रै भोटिङ सम्पन्न गरेको जानकारी दिए । ‘मिडियाको व्यक्ति भएको हुँदा हामीले कोमल वलीलाई कति समय लाग्ला भनेर सोध्यौँ । उहाले ३० मिनेटभित्र सक्छु भनुभयो । तर ४८ मिनेट लाग्यो,’ पोखरेलले भने, ‘सबै प्रतिनिधि डिजिटलमैत्री भैदिए धेरै चाँडो मतदान सम्पन्न हुने थियो ।’

उनले बुधबार साँझ ८ बजेसम्म १ हजार १ सय ५० जनाले मतदान गरेको जानकारी दिए । पोखरेलका अनुसार राति १० बजेसम्म प्रतिनिधिलाई मतदानस्थल प्रवेश गर्ने व्यवस्था मिलाइएको छ । यसअघि ८ बजेको समय तोकिएको थियो ।

उनले भोट हाल्न बाँकी प्रतिनिधिलाई लाइनमा बस्न नपर्ने गरी कुपन बाँडिएको जानकारी दिए । सोही कुपन नम्बरको आधारमा भोट खसाल्ने व्यक्तिलाई मतदानस्थलमा प्रवेश दिइएको छ । तर १० बजेपछि भने प्रवेश दिइने छैन ।