शुक्रबार १२ पुस २०८१

काठमाडौं । आम जनता पार्टी (आजपा) ले सरकारको मनोमानी कर आतंक बिरुद्ध १४ पुसमा काठमाडौंमा विरोध प्रदर्शन गर्ने भएका छन ।

सरकारको मनपरि करले नेपालको उधोग, ब्यबसायी धरासायी बन्दै गईरहेको निष्कर्ष निकाल्दै आजपाले सरकारको कर आतंक बन्द गर्नुपर्ने माग गर्दै आएको छ । केन्द्र, प्रदेश र स्थानीय तहसहितका ७६१ सरकारले लिईरहेको मनोमानी कर अन्त्य गर्नुपर्ने माग गर्दै आजपाले काठमाडौंमा विरोध प्रदर्शन गर्न लागेको हो ।

आजपा अध्यक्ष एवं पूर्वमन्त्री प्रभु साहले समृद्ध नेपाल निर्माण गर्नका लागि तिनै तहका सरकारपिच्छे मनोमानी कर आतंक बन्द गर्नुपर्ने बताउनु भएको छ ।

‘मुलुकको उधोग, व्यापार व्यवसायी करै करले धरासायी बन्दै गईरहेको छ ।

सरकारले जसरी पनि कर असुल्ने नीति लिएको छ । उधोग व्यापार धवस्त हुदैगईरहेको भए पनि सरकारलाई केवल कर कसरी असुल्नेमा मात्रै ध्यान छ’,  ‘सरकार पिच्छे पाईलापाईलामा मनपरि कर लिने तर सेवा नदिने । कर लिने तर सोही अनुसारको सुविधा दिने कि नदिने ? आजपा अध्यक्ष साहले सरकारलाई प्रश्न गरेका छन ।

नेपाल भन्दा ठुलो भुगोल, जनसंख्या भएको मुलुक भारत र चीनमा कर थोरै भएको र त्यहाँको सरकारले उधोगी व्यापारीलाई सेवा पनि बढी दिईरहेको उनले बताए । तर नेपालमा करमाथि कर लिने र उधोगी व्यापारीको ढाँड सेक्ने काम सरकारले गरिरहेको आरोप साहले लगाउनु भएको छ ।

‘भारतमा १४ शिर्षकमा कर लिईन्छ । तर नेपालमा ४० भन्दा बढी शिर्षकमा सरकारले कर लिईरहेको छ । अरु देशभन्दा नेपालमा करको दर, दायारा, शिर्षक, तह र सरकार बढी छ । नेपालमा ७६१ वटा सरकारले मनोमानी र पाईलापिच्छे कर असुली रहेको छ । त्यसको विरोधमा हामी सडकमा उत्रिनुपरेको छ’ आजपा अध्यक्ष साहले बताउनु भएको छ ।

सर्वसधारणदेखी उधोगी व्यापारीले जताततै पाईला पिच्छे नै कर तिर्दातिदै निराश भएको बताउदै उनले व्यवासाय गर्ने वातावरण सरकारले गिजोलिदिएको सरकारलाई आरोप पनि लगाउनु भएका छ्न । मुलुकको ढुकुटी सिध्याएको सरकारले विदेशीबाट ऋण लिएर नेपाली जनताको टाउकोमा ऋणको भारी बोकाएको बताए ।

मुलुकमा भ्रष्टाचार, अनियमितत बढदै गईरहेको र बिकास कार्य अवरुद्ध भएको बताउँदै उनले दलाल दलतन्त्र, सरकारको मनोमानी कर आतंक बिरुद्ध जनता सडकमा आउँन ढिलाई गर्न नहुने बताए ।

आजपाले विगतदेखी नै भ्रष्टाचार, अनियमितता, सरकारको मनोमानी कर आतंक, दलाल दलतन्त्र, वैदेशिक रोजगारमा देखिएको ठगीधन्दा, भन्सार कानूनमा भएको लुटतन्त्रको बिरुद्धमा आवाज उठाउँदै सडक संघर्ष गर्दै आएको छ । १४ पुसमै कवाड व्यवासायीहरुले काठमाडौं महानगर कार्यालय समेत घेराउ गर्ने कार्यक्रम रहेको छ । काठमाडौं महानगरका मेयर बालेन शाहले कवाड व्यवासायीलाई कानून विपरित दुख दिईरहेकाले कवाड व्यवसायीले महानगर घेराउ गर्न लागेका हुन् ।

आम जनता पार्टीले १४ पुसमै काठमाडौंमा पार्टीको दोस्रो स्थापना दिवस समेत भव्यरुपमा मनाउँने तयारी गरेको छ । ‘दलाल दलतन्त्र बिरुद्ध तेस्रो जनआन्दोलनको संकल्प’ सहित आजपाले दोस्रो स्थापना दिवस काठमाडौं उपत्यका विशेष कमिटीको आयोजनामा भव्यरुपमा मनाउँन लागेको हो ।