घट्यो पेट्रोल, डिजेल र मट्टितेलको मूल्य
बिहीवार १७ साउन २०८१
काठमाडौ / नेपाल आयल निगमले बिहीबारदेखि लागू हुने गरी पेट्रोलियम पदार्थको मूल्य घटाएको छ।
निगमले खुद्रा बिक्री मूल्यमा पेट्रोलमा प्रतिलिटर एक रुपैयाँ, डिजेल र मट्टितेलमा दुई रुपैयाँ घटाइएको छ। त्यस्तै, हवाई इन्धनको मूल्य भने यथावत राखिएको छ।
यसअघि चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्जमा पेट्रोलको मूल्य १६८ रहेको थियो भने अब घटेर १६७ कायम गरिएको छ।
यसैगरी सुर्खेत र दाङ क्षेत्रमा १७० मूल्य रहेको थियो भने अब १६९ पुगेको छ। त्यस्तै, पोखरा, काठमाडौं र दिपायल क्षेत्रमा पेट्रोलको मूल्य १७१ रहेको थियो भने घटेर १७० रुपैयाँ कायम गरिएको निगमले जनाएको छ।
त्यस्तै, डिजेल र मट्टितेलको मूल्य पनि चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज क्षेत्रमा १५७ रहेकोमा अहिले १५५ रुपैयाँ पुगेको छ।
यसैगरी सुर्खेत र दाङ क्षेत्रमा १५९ रहेकोमा घटेर १५७ रुपैयाँ पुगेको छ। त्यस्तै, पोखरा, काठमाडौं, दिपायल क्षेत्रमा १६० रुपैयाँ रहेकामा घटेर १५८ पुगेको निगमले जनाएको छ।
WRITE COMMENTS FOR THIS ARTICLE