रेशम चौधरी प्रकरण: उम्मेदवारी खारेजीविरुद्धको रिटमा सर्वोच्चको आदेश

५ महिना अगाडी

jayjanata tv

Spread the love

बिहीबार १५ माघ २०८२

काठमाडौं / नागरिक उन्मुक्ति पार्टी नेपालका संरक्षक रेशमलाल चौधरीको उम्मेदवारी खारेजीविरुद्ध दायर रिटमा सर्वोच्च अदालतले यसअघिको पूर्वादेशअनुसार सम्बन्धित फाइल पेस गर्न आदेश दिएको छ।
न्यायाधीशद्वय बालकृष्ण ढकाल र नृपध्वज निरौलाको संयुक्त इजलासले कर्तव्य ज्यान मुद्दासँग सम्बन्धित फैसलाको फाइल पूर्वआदेशअनुसार कार्य सम्पन्न गरी इजलासमा पेस गर्न निर्देशन दिएको हो।
यसअघि न्यायाधीश बालकृष्ण ढकालको एकल इजलासले चौधरीले दायर गरेको रिटमा निर्वाचन आयोगसँग लिखित जवाफ माग्दै अन्तरिम आदेशको विषयमा छलफल गर्न दुवै पक्षलाई उपस्थित हुन आदेश दिएको थियो।
साथै, ढकालको इजलासले शारदा कडायतले चौधरीलाई दिएको आममाफीविरुद्ध दायर रिट फाइल तथा निर्वाचन आयोगले गरेको निर्णयको प्रमाणित प्रतिलिपि झिकाउन समेत आदेश दिएको थियो।
आगामी फागुन २१ गते हुने प्रतिनिधिसभा सदस्य निर्वाचनका लागि कैलाली क्षेत्र नम्बर १ बाट मनोनयन पत्र दर्ता गराएका चौधरीको उम्मेदवारी निर्वाचन आयोगले खारेज गरेको थियो।