रौतहट, २६ पुस ।
आम जनता पार्टी (आजपा)का उपाध्यक्ष एलिजा गौतमले मधेस सहित मुलुकको समस्या र जनताको चाहना एवं आवश्यक्तालाई आजपाले मात्रै पुरा गर्न सक्ने बताएकी छन् ।

आजपाद्धारा आज तेजापाकडमा आयोजित रौतहट क्षेत्र नं. २ को क्षेत्रिय भेलालाई सम्बोधन गर्दै गौतमले मुलुकमा देखिएका विभिन्न समस्याका जनता निराश हुन पुगेकाले आजपा मुलुकको अर्थतन्त्र, समाज, लोकतन्त्र, राष्ट्रियतालाई जोगाउनका लागि संघर्षमा रहेको बताइन् ।

‘भ्रष्टाचार विरुद्धको अभियान ! यसपालि मोबाईलमा मतदान !’ भन्ने नारा सहित सम्पन्न उक्त भेलाले निर्वाचन परिचालन सम्बन्धि महत्वपुर्ण निर्णयहरु गरेको छ । आजपाबाट समानुपातिकतर्फको उम्मेदवार समेत रहेकी उपाध्यक्ष गौतमले मोवाइल छापमा मतदान गरेर मुलुकको समस्या सम्बोधन गर्नुपर्ने आह्वान समेत गरिन् ।

नेपाली ग्ल्यामर क्षेत्रकी चर्चित व्यक्तित्व तथा समाजसेवी गौतम अब राजनीतिमा एक सशक्त ‘आयरन लेडी’को रूपमा उदाएकी छिन् । गौतमले मधेशको मुटु रौतहट पुगेर राजनीतिक वृत्तमा नयाँ हलचल पैदा गरिदिएकी छिन् ।

घर–घरमा एलिजाः नेता होइन, छोरी बनेर पुगिन् बस्तीमा
हिजोसम्म पर्दामा देखिने एलिजा आज रौतहटका हिलाम्मे सडक र गरिबका झुपडीहरूमा भेटिइन् । कसैले नहेरेका, राज्यको मूलधारबाट ठगिएका गरिब र दुःखीहरूको आँसु पुछ्न उनी आफैँ घर–घरमा पुगेकी छिन् । उनको यो आत्मीयता देखेर स्थानीय वृद्धवृद्धाहरूले भावुक हुँदै आशिर्वाद दिए— ‘अहिलेसम्म भोट माग्न धेरै आए, तर हाम्रो दुःख सोध्न र घरको आँगनमै आइपुग्ने तिमी पहिलो हौ ।’

शिक्षा र स्वास्थ्यमा क्रान्तिको उद्घोष
यसैगरी, मौलापुरमा आयोजित विशाल जनसभालाई सम्बोधन गर्दै उनले निकै तार्किक र प्रभावशाली ढङ्गले आफ्ना भावी योजनाहरू प्रस्तुत गरिन् । जनताको समस्यालाई नजिकबाट नियालेकी गौतमले गर्जदै भनिन, ‘गरिबका छोराछोरीले कहिलेसम्म शिक्षाबाट वञ्चित हुनुपर्ने ? सामान्य उपचार नपाएर कहिलेसम्म मर्नुपर्ने ? अब भाषण होइन, परिणाममुखी एक्सनको समय आएको छ ।’

उनले शिक्षा र स्वास्थ्य क्षेत्रमा व्याप्त बेथिति जरैदेखि उखेल्ने संकल्प मात्र गरिनन्, त्यसको दिगो समाधानका लागि ठोस खाका समेत प्रस्तुत गरेकी छिन् ।

किन चर्चाको शिखरमा छिन् एलिजा ?
आम जनता पार्टीले उनलाई उत्पीडित र उपेक्षित जनताको आवाज बुलन्द गर्नकै लागि समानुपातिक सूचीको अग्रभागमा राखेको छ, जसले उनलाई झन् सशक्त बनाएको छ ।
गरिबको सच्चा साथीः अन्य नेताहरू चिल्ला गाडी र सुविधामा रमाइरहँदा, एलिजा भने गाउँका टोल–टोलमा पुगेर जनताको समस्या टिपोट गर्दै समाधानको आश्वासन दिइरहेकी देखिन्छिन् ।

आसालाग्दो महिला नेतृत्वः
मधेसको धर्तीबाट उनी जस्तो जुझारू र प्रष्ट वक्ता महिला नेत्रीले देशको नीति निर्माण तहमा पुग्नुपर्छ भन्ने आवाज अहिले रौतहटदेखि काठमाडौँसम्म गुञ्जिन थालेको छ ।