उनले राजीनामा पत्रमा निर्वाचन गराउनका लागि पहलकदमी लिए पनि मिति तोकिएको झण्डै एक हप्तासम्म कार्यतालिका ल्याउन नसक्नु, सदस्यता विवादका लागि बसेको बैठकबाट केही पदाधिकारी बाहिरिनु, केही पदाधिकारीले उपस्थितिमा हस्ताक्षर नगर्नु लगायतका कारणले राजीनामा दिएको राजीनामा पत्रमा उल्लेख गरेका छन् ।

उनले पत्रमा उल्लेख गरेका छन, ‘सिङ्गो बैठकले सदस्यताको सूचीप्रति अपनत्व जनाउन आनाकानी गर्नुले अब हुने निर्वाचनप्रति पनि सर्वस्वीकार्यता हुने महसुस गरेन ।’ सरोकारवाला पक्षले समेत सदस्यसूची  आफूलाई देखाएर मात्र अघि बढ्न पर्ने अपेक्षा राख्दा मन खिन्न हुने गरेको उनले उल्लेख गरे  ।

यस्तो अवस्थाबाट आफूमा निर्मित मनोविज्ञान बोकेर यो निर्वाचनलाई सम्पन्न गर्न म समर्थ नभएको उनले पत्रमा उल्लेख गरेका छन् । आगामी दिनमा महासंघको हुने गतिविधिलाई आवश्यकता अनुसार साथ समर्थन र सहयोग रहने प्रतिबद्धता जनाएका छन् ।

महासङ्घले तेस्रो पटक निर्वाचनको मिति तोकेको छ ।