बिहीबार २६ चैत २०८२
काठमाडौं । प्रतिनिधिसभाको उपसभामुख चयनका लागि आज उमेदवारी दर्ता हुँदैछ।
संसद् सचिवालयले सार्वजनिक गरेको निर्वाचन कार्यतालिकाअनुसार, उमेदवारी दर्ताका लागि बिहान ११ बजेदेखि दिउँसो २ बजेसम्मको समय तोकिएको छ।
प्रतिनिधिसभाका सचिव हर्कराज राईद्वारा जारी सूचनाअनुसार, दर्ता भएका उमेदवारहरूको नामावली आजै दिउँसो २:३० बजे प्रकाशन गरिनेछ।
उपसभामुखको निर्वाचन भने २७ चैतमा हुने तय भएको छ। सभामुख डोलप्रसाद अर्यालले प्रतिनिधिसभाको बैठकमार्फत निर्वाचन मिति तोक्दै आवश्यक प्रक्रिया अघि बढाउन निर्देशन दिएका थिए।