संसद पुनर्स्थापनाको माग गर्दै काठमाडाैंमा आज एमालेको शक्ति प्रदर्शन

६ महिना अगाडी

jayjanata tv

4
4
Shares

4
4
Shares

काठमाडौ / नेकपा एमालेले आज काठमाडौंमा शक्ति प्रदर्शन गर्दै छ । एमाले बागमती प्रदेश कमिटीको आयोजनामा प्रदर्शनीमार्गमा प्रदर्शन हुन लागेको हो । एमालेले यसलाई ‘शान्तिपूर्ण जनप्रदर्शन तथा जनसभा’ नाम दिएको छ ।

एमालेले अहिलेको सरकार संविधानसम्मत नरहेको बताउँदै आएको छ भने संसद विघटनलाई पनि असंवैधानिक भनेको छ । उसले संसद पुनर्स्थापनाको माग गरिरहेको छ । सोही मागमा दबाब दिने उद्देश्यले देशव्यापी प्रदर्शनमा होमिएको एमालले आज काठमाडाैंमा शक्ति प्रदर्शन गर्न लागेको हो ।

एमालेले हिजो मात्रै नेसनल भोलेन्टियर फोर्स घोषणा गरेको थियो, जहाँ अध्यक्ष केपी शर्मा ओलीले सम्बोधन गरेका थिए । आजको प्रदर्शनमा हजाराैँ मानिस सहभागी हुने एमाले नेताहरूको दाबी छ । शक्ति प्रदर्शनका लागि विभिन्न जिल्लाबाट मानिसहरूलाई काठमाडाैं उतार्ने एमालेको तयारी छ । सभालाई एमाले अध्यक्ष ओलीसहितका नेताहरूले सम्बोधन गर्ने बताइएको छ ।