सोमबार ४ चैत २०८१

काठमाडौं / नेकपा (माओवादी केन्द्र) कि नेतृ एवं प्रतिनिधि सभा सदस्य दुर्गा राईले नेपाली कांग्रेस संसदीय दलका प्रमुख सचेतक श्याम घिमिरेलाई यौन व्यवसायमा आफ्नो परिवारबाटै अगाडि सार्न आँट गर्नुहुन्छ ? भन्दै प्रश्न गरेकी छन् । हिजो (आइतबार)ं प्रतिनिधि सभाको बैठकमा नेता घिमिरेले यौन व्यवसायलाई कानुनी मान्यता दिई पर्यटन प्रवर्धन गर्न सकिने बताएका थिए । उनको उक्त भनाइप्रति आपत्ति जनाउँदै नेतृ राईले घिमिरेको अभिव्यक्ति संसद्को रेकर्डबाट हटाउनसमेत माग गरेकी छन् ।

‘हिजो सत्तापक्षका माननीयज्यूले यौन व्यवसायलाई कानुन बनाइ मान्यता दिएर पर्यटकलाई आकर्षण गरी अर्थोपार्जन गरौं भन्ने कुरा दोस्रो पटक यस सम्मानित संसद्मा उठाउनु आपत्तिजनक विषय हो । यस्तो चिन्तनको घर विरोध गर्दछु । यस्ता विचारले अनुशासित र मर्यादित रुपमा रहेको समाजलाई अराजकतातिर पुर्याउँछ । त्यसैले यो भनाइलाई हटाउन सभामुख महोदयको रुलिङको माग गर्दछु ।’ उनले भनिन्, ‘सम्बन्धित माननीयज्यूलाई प्रश्न गर्न चाहन्छु– त्यस्तो कार्य गर्न आफ्नो परिवारबाट अघिसार्न आँट गर्नुहुन्छ ?’ स्रोत रिपोर्टस नेपाल