सुरुङ्गा -८ मा माघीको रौनक
आइतबार २९ पुस २०८०
सप्तरी / आज मुसहरनिया दहबाट कलश भरेर गाउँ परिक्रमा गरेको छ । माघे संक्रान्ति (तिला सँक्राइत) मेला सुरुङ्गा नगरपालिका ८ मा कुसहा बजार देखि दक्षिण ३.५ कि.मि. समसेरपुर अवस्थित माँ मुसहरनिया दहमा हरेक बर्ष धुमधामका साथ मनाउँदै आइरहेको छ। यहाँ हरेक वर्ष हजारौंको संख्यामा श्रधालु भक्तजनको उपस्थिति र हरेक दु:खको निवारण हुन्छ भनी पौराणिक बिश्वास रहेका छन ।
तराईका भूमिपूत्र थारु समुदायमा माघी पर्वको रौनक सुरु भएको छ । माघी पर्वलाई नयाँ वर्षको रुपमा सो समुदायमा आजबाट सुरु भएपछि थारु बस्ती माघीमय बनेको हो । माघको पहिलो दिन थारु संवतको अन्तिम दिन हुने गरेकाले यस दिन वर्षभरिको दुःखपीडा बिर्सेर रमाउने परम्परा रहेका छन ।
माघ १ गते थारु समुदायको नयाँ वर्ष हो । भोलिदेखि थारु संवत् २६४७ सुरु हुँदैछ । आफ्नो नयाँ वर्षको दिन यो समुदायका मानिस बिहानै नदी, तलाउ, खोलामा नुहाएर आफूभन्दा ठुलालाई ढोगसलाम गर्ने र सानालाई आशीर्वाद दिने गर्दछन् । यसदिन रिसराग, आपसी वैमनस्य, झैझगडा सबै बिर्सेर एक आपसमा आत्मीयता दर्शाउनुका साथै शुभकामना आदानप्रदान गर्ने चलन छ । यसैगरी, मासु, ढिक्री तिलको लडु (तिलुवा) भुजाको लडु (लाई)लगायतका परिकार खाने र आफन्तलाई खुवाउने गरिन्छ ।
WRITE COMMENTS FOR THIS ARTICLE