मंगलबार ३ पुस २०८०

काठमाडौ / आम जनता पार्टी निकट आम सम्पर्क मञ्चले भन्सारमा हुने गरेको लुट एवं भ्रष्टाचारको विरुद्ध आज दिन तेश्रो पनि भन्सार बिभाग घेराऊ गरेको छ । भन्सार नियमावलीमा रहेको ४५% कथित पुरस्कारको लुटकारी व्यवस्था खारेजी लगायतका निम्नलिखित मागहरु राखि गत मिति २०८० भाद्र ३१ गतेबाट शुरू गरिएको आन्दोलनको अहिले दोश्रो चरण अंतर्रगत पुनः भन्सार बिभागलाई घेराऊ भएको हो ।   निम्नलिखित  मागहरु यस प्रकार रहेका छन ।

१)भन्सार नियमावलीमा रहेको परिच्छेद-१० को पुरस्कार सम्बन्धी सम्पूर्ण प्रावधान हटाउने ।

२)कर कानुन, राजस्व कानुन र भन्सार कानुनमा एकरूपता ल्याउन भन्सार नियमावलीबाट व्यक्ति,सवारीसाधन एवं सम्पति जफत गर्ने प्रावधान हटाउने ।

३)⁠भन्सारबाट उठेको रकमबाट २५ % रकम सम्बन्धित प्रदेशलाई र २०% रकम सम्बन्धित पालिकालाई दिने ब्यवस्था गर्ने ।

४)घरायसी प्रयोजनको लागि ल्याईने बस्तुमा भन्सार कर न लागने ब्यवस्था गर्ने ।
भन्सार बिभागमा धर्ना कार्यक्रममा बोल्दै सो पार्टीका उपाध्यक्ष तिलक थापा मगरले भन्सारको नाममा ४५% कमिसन दिने ब्यबस्था तत्काल रोक्न आग्रह गरे। उनले  माग पूरा नभएसम्म धर्ना नरोकिने समेत जनाए।धर्ना कार्यक्रममा सयौको सङ्ख्यामा आम जनता पार्टीका नेता कार्यकर्ताहरुको उपस्थिति रहेको थियो।