शुक्रबार २५ बैशाख २०८३
काठमाडौ / चितवनको नारायणगढ-मुग्लिन सडक अन्तर्गत इच्छाकामना गाउँपालिका–५ तुइनखोलामा सुक्खा पहिरो खस्दा सडक पूर्ण रूपमा अवरुद्ध भएको छ। शुक्रबार बिहानदेखि पहिरो खसेपछि सवारी आवागमन ठप्प बनेको हो।
इलाका प्रहरी कार्यालय मुग्लिन का प्रमुख प्रहरी निरीक्षक प्रतीक सिंहका अनुसार सडकमा ठूलो परिमाणमा ढुंगा र माटो खसेपछि यातायात सञ्चालन रोकिएको छ।
प्रहरी र सडक डिभिजन कार्यालयको समन्वयमा पहिरो पन्छाउने काम भइरहेको जनाइएको छ। यात्रु तथा सवारी चालकलाई वैकल्पिक व्यवस्था अपनाउन र सावधानीपूर्वक यात्रा गर्न आग्रह गरिएको छ।